مارس 20, 2016
القسم الادبى ، كاتب وكتاب
أم ابتسامة مدهشة
شوقى لوجودها وجب
ساعة تطول الدردشة
ألقى لزوال همى سبب
زيدى ابتسامك فى الضحى
وفى الغروب
لا تلاقى نجمة مروحة
والشمس تسكن فى الدروب
الكون بحاله
داب فى حبك واتمحى
عايزانى بس ازاى ما ادوب ؟!
حبك شقا
وانا قلبى متعلق بقا
كيف اللى يعشق بسمتك
عنك يتوب؟!
يام القليب طيب أوى
أنا قلبى عاشق بالقوى
كان قلبى متفتح زمان
اصبح عليكى منطوى
يام ابتسامة لها العجب
قادرة تحقق معجزات
سبحانه ربى وما وهب
خلاكى عن كل البنات
ذات ابتسامة كات سبب
فرح لجميع المخلوقات
أنا يوم ما ابطل فيكى احب
ابقى اسألى هيقولوا مات
يام ابتسامة مدهشة
بعدك انا زاهد فى كل الحاجات
#محمد_صديق