اهلا بكم زوار "برامج شاعر الحرية" اسعد الله اوقاتكم بكل خير ، اليوم سوف اوضح لكم طريقة ضبط اعدادات الالعاب لتظهر بكامل الشاشة بدلا من ظهورها فى منتصف الشاشة وظهور اطار اسود حولها ، وسوف يقتصر شرح اليوم على ضبط اعدادات الالعاب للعبتى subway , ولعبة بيس 2006 او بيس 2015 -وهو شرح قديم بالنسبة للبعض من مدمنى الالعاب ، ولكن اتمنى ان يعود بالنفع على كل من لم يعلم بهذه المعلومة من قبل .
هو سؤال واحد واختلفت صياغته "اللعبة مش بتشتغل فى الشاشة كلها" , "انا عايز اعرف ازاى اخلى اللعبة تشتغل فى الشاشة كلها " والاجابة ببساطة قم بتعديل اعدادات اللعبة علشان اللعبة تشتغل فى كل الشاشة طيب ازاى ؟! بسيطة تابع شرح مصور لطريقة ضبط الاعدادات ونبدأ بلعبة بيس 2006 وزى ما انت شايف فى الصور :
1- وضع الشاشة Screen mode لازم تكون على الاختيار full Screen بمعنى شاشة كاملة
2-resolution ضبط دقة الشاشة ودى بقى مهمة علشان اللعبة تشتغل فى الشاشة كلها من غير ما يظهر شريط اسود او اجزاء سودة فى جنب اللعبة ، طبعا لازم تكون عارف دقة الشاشة عندك كام وتظبط دى عليها
طيب ازاى اعرف او اغير دقة الشاشة عندى بسيطة شوف الصورتين دول وانت هتعرف
فى أى مكان فاضى فى الـDesktop (سطح المكتب) دوس عاى كليك يمين علشان تظهر القائمة دى
بعد اختيار Screen resolution هتظهر الصفحة دى اختار دقة الشاشة المناسبة ليك واضغط على ok لحفظ التغييرات
بعد ما اخترت دقة الشاشة اضبط من اعدادات اللعبة على نفس دقة الشاشة اللى انت اخترتها زى الصورة دى كدا
3- quality اختيار رقم 3 ده لجودة اللعبة ولو كان جهازك ضعيف او متوسط قم باختيار جودة متوسطة Medium quality علشان اللعبة تشتغل معاك كويس .
وبنفس الخطوات السابقة يتم ضبط اعدادات بيس 2015 او بيس 2014
وبالنسبة للعبة سب واى الأمر مش هيختلف كتير واعدات لعبة subway بتظهر بمجرد انك تدوس علشان تبدأ اللعبة
بداية قم بحذف علامة √ من جانب هذا الاختيار Windowed والتى تعنى عرض اللعبة داخل ايطار وقم بضبط دقة الشاشة حسب الدقة التى بجهازك كما اوضحت سلفا ليصبح بهذه الصورة
نتيجة التعديلات
اتمنى ان اكون قد افدتكم بهذا العرض البسيط دمتم فى رعاية الله وأمنه
