مايو 21, 2014
القسم الادبى ، كاتب وكتاب
قصيدة "الباشا " كلمات لشاعرة السويس - زينب ابو الفتوح
ولبستك عباية الأمر
ورصيتلك زهور النيل
علي الشطين
فعدي ومر
وطعمت العصا أبنوس
وأمنتك ..
علي طيبه وترابها الحر
لاحابي فيها مره ..
يُذل
ولا نجمه ف سماها
تئن
ولا عيل ف بطن امه
يخاف القهر
يخاف بكره
ولاانت عصاك يا باشا ...
تكِل
يا شعب ..باشا
مايرهبهوش عصاة الغِل
ولا نووي ولا جيشه
خطاك يا باشا ..
هاتحوشه
بصوت تهتزله عروشه
بيعلن ع المدي للكل
لا نداري ولا نتذل
ولا نخضع لتهويشه
يا باشا ...
خطوتك ملايين
وزمجرة الصدي ف الليل
ترهب امَّه م السامعين
خلاص سقطت نياشينك
عن الخاينين
عن اللاعبين بمصيرك
وبايعينك
وعاصرينك
وسابوا عصابة الضلمه
تموت أغلي غالينك
يا باشا انت سيد الكل
وكل الدنيا ..ف يمينك