يناير 04, 2024
كلماتى، قصائد وخواطر
إبتسامتك والخجل
وايا غيرتى وحاجات كتير
بتثبتلى دايما انى عاشق
و العشق أصله عندى حالة
سهل انى أعشق عيونك
صعب انسى فى يوم آهاتك
سهل جدا ابقى عاشق
صعب اكون فى ذكرياتك
صعب انى أقول بحبك
سهل انى امسح حروفها
مش طبيعى اقول بحبك
ودنيتى ماشية بظروفها
لحظات عتابك ع الغياب
ولمعة عنيكى ساعة اللقا
و القلب اللى راضى بس بضحكة
وابتسامته هى الرضا
كل دول بيجبرونى انى اكون
دوشة وحركة فى لحظة سكون
وإنى ابعد على قد ما أقدر
مع انى عارف وانتى عارفة
البعد عمره ما كان مقدر
لقلب عاشق ضحتك
بس برضه أهو سبب
من قلب هاجمه حبك فاتغلب
رفع رايات العاشقين لفوق
انه ينسى أو يفوق
زادوه تعب
يا ساكنة القلب متربعة
خايف اقول بحبك فى يوم
و بسببى تباتى متوجعة
فأسكت أنا
والذكريات مقضياها
شوية حكاوى ودندنة
مغلوب أنا
فى العشق تايه
والدليل كان بسمتك
ليست هناك تعليقات: